ຕວກກີ ທົດລອງເຄື່ອງບິນສູ້ຮົບບໍ່ມີຄົນຂັບ
ເຮືອບິນສູ້ຮົບບໍ່ມີຄົນຂັບຮຸ້ນ ANKA III UCAV ຂອງຕວກກີ ໄດ້ທຳການທົດລອງບິນຄັ້ງທຳອິດເພື່ອທົດສອບສະມັດຕະພາບ
ຂອງລະບົບທັງໝົດ. ເຄື່ອງບິນສູ້ຮົບບໍ່ມີຄົນຂັບລຸ້ນນີ້ໃຊ້ເຄື່ອງຈັກອາຍພົ່ນຜະລິດເອງພາຍໃນປະເທດ, ເຄື່ອງບິນມີນ້ຳໜັກລວມ 6,5 ໂຕນ.
ເຄື່ອງບິນຮຸ້ນນີ້, ມີໄລຍະບິນປະຕິ ບັດການໄກສຸດ 1.320 ກິໂລແມັດ ແລະ ມີໄລຍະການປະຕິບັດການດົນເຖິງ 10 ຊົ່ວໂມງ, ມີເພດານ
ບິນສູງເຖິງ 9 ກິໂລແມັດ, ມີຄວາມໄວສູງສຸດ 765 ກິໂລແມັດ ແລະ ຄວາມໄວບິນປົກກະຕິ 450 ກິໂລແມັດຕໍ່ຊົ່ວໂມງ. ເຄື່ອງບິນຕົ້ນ
ແບບຂອງເຄື່ອງບິນສູ້ຮົບບໍ່ມີຄົນຂັບ ANKA III ໄດ້ຕິດຕັ້ງລະບົບຂັບເຄື່ອນດ້ວຍເຄື່ອງຈັກອາຍພົ່ນເທີໂບ. ANKA III UCAV ສາມາດ
ຕິດອາວຸດນໍ້າໜັກ 650 ກິໂລກຼາມ, ສາມາດຕິດຕັ້ງອາວຸດໜັກໃສ່ໃຕ້ປີກຄູ່ໃນ ແລະ ໃຕ້ປີກຄູ່ນອກ, ຕິດຕັ້ງລະເບີດນຳວິຖີ ຫຼື ລູກລະເບີດ
ທຳລາຍອະເນກປະສົງ, ອາວຸດນຳວິຖີ ແລະ ອາວຸດປ່ອຍນຳວິຖີໄດ້ຫຼາກຫຼາຍແບບ. ເຄື່ອງບິນສູ້ຮົບບໍ່ມີຄົນຂັບ ANKA III UCAV ໃຊ້
ລະບົບພາກພື້ນດິນຕ່າງໆເຊັ່ນດຽວກັບເຄື່ອງບິນສູ່ຮົບບໍ່ມີຄົນຂັບລຸ້ນກ່ອນໜ້ານີ້ຂອງຕວກກີ ເພື່ອເພີ່ມຄວາມຄືກັນຂອງລະບົບທັງເຄື່ອງບິນ
ບໍ່ມີຄົນຂັບຮຸ້ນໃໝ່ Anka UAV ແລະ ລຸ້ນຜ່ານມາ Aksungur UAV.
ແຫຼ່ງທີ່ມາ: ໜັງສືພິມກອງທັບ
ວັນທີ 17/01/2024